呢個中年交通優惠，我哋冇爭取過。
反而係殘疾交通優惠，我哋爭取咗八年，係要求公共交通公司承擔社會責任。政府一直拒絕，壟斷的交通公司-以地鐵為首當然一直反對。我最記得當年地鐵公司拒絕的原因，話因為地鐵係以最快速度運輸最大量乘客，未必適合有殘障者。
後來政府一次過攬上身，比長者和殘疾，就以此為德政，多年來對民間的訴求聽而不聞。在議會內，梁耀忠就試過連續幾年動議設立殘疾人士交通優惠，每次都通過，每次政府都唔采。一朝改變就話係自己德政。其實用公帑比晒，港鐵才是大贏家。
羅致光話過60歲先至係中年，點解要用公帑比交通優惠中年人？呢個係最有需要咩？
現在輪候社區及家居照顧服務的時間動輒以年計，殘疾人士、體弱長者及他們的照顧者苦不堪言，甚至時有發生家庭慘劇，為什麼多年來都忽視他們的需要？
Search